Статистика
Онлайн всего: 1 Гостей: 1 Пользователей: 0
|
Главная » 2019 » Декабрь » 16 » Школачы төлевилелдер олимпиадазы
20:17 Школачы төлевилелдер олимпиадазы |
Декабрь 15-16 хүннеринде Россияның школачылар болгаш башкылар аразында " Школачы төлевилелдер олимпиадазы" деп мөөрейи Москва хоорайга болуп эрткен. Аңаа Ак-Довурак хоорайның мурнундан бот-тускайлаң шилилгелиг этапты чедиишкинниг эрткеш, барып киржир эргени чаалап алган дугаары 1 ортумак школаның 6-гы класстың өөреникчилери Саая Даяна, Донгак Милада, Монгуш Аюша, кижизидилге талазы-биле директорнуң оралакчызы болгаш төөгү башкызы Буяна Дмитриевна Ооржак "Мээң регионум" деп номинацияга "Путешествие по Туве" деп карта дузазы-биле ойнаар чадыглыг оюн - тускай төлевилелин бараалгатпышаан камгалаан. 2 хүн үргүлчүлелдиг изиг мөөрейниң түңнелинде ук төлевилелдиг команда Россия чергелиг мөөрейниң 3-кү черинге төлептиг болганнар. Дыка хөй онза-солун, чаа билиглерни чедип ап, өске-даа регионнарның дуржулгазын солчуп, немелде чаа чүүлдерни сиңирип алганынга аажок өөрээннер. Уругларның төлевилелдер тургузуп, шинчилел ажылдары чоргузарынга өөредигни чедимчелиг чоргузуп турар удуртукчу башкызы болгаш ада-иелерниң изиг деткимчези уругларга тиилелгени эккээринге чигзиниг тургуспаан. Ам бо шакта олар Россияның төвү - Москва хоорайның Кызыл шөлү болгаш төөгүлүг чараш черлеринге селгүүстеп, дыштанып турарлар. Төрээн школазы, хоорайы оларның дидим, быжыг ажыл-ижинге база чедиишкининге аажок өөрүп турар бис (teeth). Ук ажылдың чурум ёзугаар тайылбыр чорудулгазын, брошюразын кышкы дыштанылгалар соонда мастер-класс хевиринге сонуургап кээрин дыңнаттывыс. Немелде медээни школаның ВК социал четкизинден көрүп ап болур, база электроннуг почтазынче айтырып болур tyva_school_112@mail.ru |
|
Категория: Новости |
Просмотров: 185 |
Добавил: uo_akdovurak
| Рейтинг: 5.0/1 |
|
|
| | |