Бөгүн, февраль 15-те 14 шакта, Сагды Каадр-оол аттыг культура ордузунуң 
даштынга Ак-Довурак хоорайның өөредилге эргелелиниң планы-биле хоорай чергелиг бичии уруглар аразынга Шагаа байырлалы болуп эрткен. Байырлалды кол эрттирген харыысалгалыг немелде өөредилге черлери: спортчу оюннарны - Өөредилге төвү, литературлуг мөөрейлерге - Уругларның уран-талантызын нептередир төп. 

Сорулгазы: тыва чоннуң аас чогаалының хевирлеринге болгаш национал оюн-тоглааларынга, национал идик-хепке ынакшылын оттуруп, база тыва национал чаңчылдарны нептередип өөредири. 

Байырлалга Ак-Довурак хоорайның 5 хардан 18 харга чедир ажы-төлү киришкеннер. Ниити саны 350-400 кижи. 

Болуп эрткен маргылдаалар: 
1. Тевек тевери 
2. Кожумактаары 
3. Кара адары (ча адары) 
4. Баг тыртары 
5. Улустуң ырылары
6. Үлегер домактаары 
7. Тывызык тывары 
8. Дүрген чугаалаары 
9. Узун-тыныш мөөрейи 

Мөөрейлерге тиилээн киржикчилерге өөредилге эргелениниң мурнундан шаңнал бижикти 1-ги, 2-ги, 3-ку черге төлептиг болганнарга тывыскан.